Çin Rusiya ilə ən yüksək səviyyədə bağlanmış bütün müqavilələrin həyata keçiriləcəyinə əmindir. Bunu Şərq İqtisadi Forumunda Rusiya Prezidenti Vladimir Putinlə görüşü zamanı Çin Kommunist Partiyası Mərkəzi Komitəsinin Siyasi Bürosunun üzvü, Ümumçin Xalq Nümayəndələri Yığıncağı Daimi Komitəsinin sədr müavini Li Honçjonq deyib.
“Əminəm ki, biz [Rusiya və Çin arasında] ən yüksək səviyyədə bağlanmış bütün sazişləri mütləq həyata keçirəcəyik”, – deyə o bildirib. MNTK Daimi Komitəsinin sədr müavini həmçinin qeyd edib ki, 2025-ci il ölkə liderlərinin qarşılıqlı səfərləri fonunda Moskva və Pekin arasında ikitərəfli münasibətlər üçün xüsusi əhəmiyyət kəsb edib. O əlavə edib ki, Rusiya və Çin “Rusiya-Çin münasibətlərinin genişmiqyaslı inkişafı üçün yeni möhtəşəm plan hazırlayıblar”.
2025-ci ilin martında Li Honçjonq Rusiya-Çin Dostluq, Sülh və İnkişaf Komitəsinin həmsədri təyin edilib. Rusiya Federasiyası Prezidentinin Dayanıqlı İnkişaf Məqsədlərinə nail olmaq üçün beynəlxalq təşkilatlarla əlaqələr üzrə xüsusi nümayəndəsi Boris Titovun sözlərinə görə, bu qərar Çin tərəfdən təşkilatın statusunu xeyli artırıb: bu, mövcud dünya düzənində Pekin üçün Moskva ilə dostluq münasibətlərinin əhəmiyyətini nümayiş etdirir. (Tass)