Qəzza münaqişəsinin tərəfləri və vasitəçilər Fələstinin Həmas hərəkatının tərksilah edilməsi, o cümlədən qrupun ağır silahlarının çıxarılması üçün ilkin addımlar barədə razılığa gəliblər. Bu barədə Səudiyyə Ərəbistanının “Al Arabiya” telekanalı mənbələrə istinadən məlumat yayıb.
“Həmasdan ağır silahların çıxarılması üçün ilkin addımlar barədə razılıq əldə olunub”, – telekanalın mənbələri iddia edir. Onların sözlərinə görə, Fələstin qrupu ABŞ-a sülh prosesinin bir hissəsi kimi Qəzza zolağına nəzarətdən imtina etməyə hazır olduğunu təsdiqləyib.