Suriya və İsrail nümayəndə heyətləri arasında Parisdə keçirilən danışıqlarda tərəflərin cənubdakı Əs-Suveyda əyalətində gərginliyin azaldılması üçün birgə səylərə sadiqliyi təsdiqlənib. Bunu “Əl İxbariya” telekanalına ABŞ-ın vasitəçiliyi ilə çərşənbə axşamı Fransa paytaxtında İsrail tərəfi ilə aparılan danışıqları şərh edən Dəməşqdəki hökumət mənbəsi bildirib.
“Suriyanın cənubundakı vəziyyətin deeskalasiyası səyləri çərçivəsində xarici işlər və mühacirlər naziri Asaad əl-Şeybani Parisdə İsrailin strateji planlaşdırma naziri [Ron Dermer] ilə görüş keçirib”, – mənbə bildirib. “Tərəflər Suriya ərazisinin birliyinə sadiq olduqlarını və onun bölünməsinə yönəlmiş hər hansı layihədən imtina etdiklərini təsdiqləyiblər”.
Mənbənin sözlərinə görə, Suriyanın cənubundakı humanitar vəziyyəti müzakirə edərkən əl-Şeybani və Dermer “çətin həyat şəraitini yüngülləşdirmək üçün Əs-Suveyda sakinlərinə və yerli bədəvilərə yardım axınını artırmağa razılaşıblar”. (Tass)