İspaniya kəşfiyyatı hesab edir ki, Mərakeş hakimiyyəti Şimali Afrika sahillərində yerləşən İspaniyanın Seuta muxtar şəhərinə gedən miqrant axınının qarşısını ala bilməyib və bundan siyasi qazanc əldə edib. Bu barədə ” El Pais” qəzeti məlumat yayıb.
Onun sözlərinə görə, təhlükəsizlik xidmətləri qanunsuz immiqrant axınının Rabat tərəfindən əvvəlcədən planlaşdırılmadığına inanır. Lakin Mərakeş hakimiyyəti sərhəd keçid məntəqəsinə gedən insanların qarşısını almaqla yanaşı, əslində onların yolunu açıb. Qeyd olunur ki, Seutadakı böhran Madridi çaşdırıb, çünki hökumət o dövrdə meşə yanğınlarının söndürülməsinə diqqət yetirirdi.
Mərakeş hakimiyyəti qanunsuz immiqrantların axınını planlaşdırmasa da, ispan ekspertlərinin fikrincə, onlar vəziyyətdə bir fürsət gördülər. Nəticədə, Mərakeş Seuta və Melilyaya olan iddialarını qlobal media və hökumət gündəliyinin ön səhifələrinə çıxarmağa müvəffəq oldu. Bundan əlavə, sərhədi qanunsuz keçən insanların izdihamının görüntüləri ifrat sağçı qüvvələrin miqrasiya əleyhinə ritorikasını sərtləşdirmək üçün bir vasitə rolunu oynadı.