NATO müttəfiqlərinin Avropa qitəsində müdafiə təşəbbüslərinin həyata keçirilməsi bütün alyansın bütövlüyünün zəifləməsinə səbəb olmamalıdır. Bunu Türkiyə Prezidenti Rəcəb Tayyib Ərdoğan Ankarada keçirilən NATO sammitinin iş sessiyasının açılışında bildirib.
Ərdoğan bildirib ki, “Avropalı müttəfiqlər qitə müdafiəsi üçün daha böyük məsuliyyət götürdükcə, alyansın bütövlüyünü və transatlantik münasibətləri zəiflədə biləcək tədbirlərdən çəkinməliyik. Avropa İttifaqının üzvü olan müttəfiqlərimizə müraciət etmək istərdim: AB-nin müdafiə səylərindən maksimum fayda yalnız NATO ilə lazımsız təkrarlamalardan qaçınmaqla əldə edilə bilər.
O qeyd edib ki, “bu sahədə ağlabatan və məntiqi əməkdaşlıq modeli mümkündür”. “Lakin, Avropa müdafiə təşəbbüslərindən qeyri-AB müttəfiqlərinin kənarlaşdırılması onsuz da məhdud resursların israfına və Avropada bölünməyə səbəb olacaq ki, biz bunu istəmirik. Bunun transatlantik müdafiə sənayesi infrastrukturuna fayda verməyəcəyi də aydındır. NATO müttəfiqləri arasında müdafiə əməkdaşlığına qoyulan bütün məhdudiyyətlərin tamamilə aradan qaldırılması vacibdir”, – Türkiyə lideri əlavə edib. (Tass)