Türkiyə bütün təhdidlərə qarşı durmağa hazırdır və İran ətrafındakı münaqişəyə cəlb olunmamaq üçün lazımi tədbirləri görür. Bu barədə Prezident Rəcəb Tayyib Ərdoğan İstanbulda keçirilən ənənəvi Ramazan iftar yeməyində bildirib.
Ərdoğan, İrandan atılan və Türkiyə üzərində vurulan raketlə bağlı hadisəni şərh edərkən bildirib ki, “Dünən gecə baş verdiyi kimi, hava məkanımızı pozmaq üçün hər hansı bir təhdidə qarşı lazımi təhlükəsizlik tədbirlərini görürük. Əsas məqsədimiz ölkəmizi bu atəş tələsindən qorumaqdır”.
Türkiyə Müdafiə Nazirliyi cümə günü NATO qüvvələrinin Aralıq dənizində Türkiyə hava məkanına daxil olan İrandan atılan raketi məhv etdiyini bildirib. Bu, 4 martdan bəri baş verən üçüncü belə hadisədir. (Tass)