Ukrayna NATO üzvü ola bilməz, lakin Slovakiya Aİ-yə daxil olmaq məsələsində onunla əməkdaşlığa hazırdır. Bunu Slovakiyanın baş naziri Robert Fiko Rusiya prezidenti Vladimir Putinlə görüşündə deyib.
“Vurğulayıram, bunu əvvəldən demişdim ki, Ukrayna NATO-ya üzv ola bilməz. Bu, mənim son qərarımdır. Amma Aİ-yə daxil olmağa gəlincə, biz Ukrayna ilə əməkdaşlığa hazırıq”, – Slovakiyanın baş naziri qeyd edib.
Fiko əlavə edib ki, Ukraynanın Aİ-yə üzvlüyü “vacib qərardır” və eyni zamanda ölkənin “Avropa İttifaqına daxil olmaq üçün bütün tələbləri yerinə yetirməli” olduğunu vurğulayıb. Slovakiyanın baş naziri həmçinin gələn cümə günü Vladimir Zelenski ilə məsələni müzakirə edəcəyini deyib.
2008-ci ilin aprelində Buxarest sammitində NATO ölkələri yekun bəyannaməyə Ukrayna və Gürcüstanı alyansa qəbul etmək barədə yazılı vədi (vaxt müəyyən etmədən) daxil etdilər. Konkretliyin olmaması problemi 2023-cü ilin iyulunda Vilnüs sammitinin mətnində də yer alıb. (Tass)