Fransa prezidenti Emmanuel Makron Parisin Fələstin dövlətçiliyini tanıdığını açıqlayıb.
BMT-nin Nyu-Yorkdakı mənzil-qərargahında Fələstin məsələsi ilə bağlı keçirilən konfransda o, “Mən bu gün Fransanın Fələstin Dövlətini tanıdığını bəyan edirəm” dedi.
TASS müxbirinin verdiyi məlumata görə, Makronun sözləri Fələstini dəstəkləyən ölkələrin nümayəndələri tərəfindən gurultulu alqışlarla qarşılanıb.
“İsrailin Qəzzada hərbi əməliyyatı davam etdirməsinə heç bir əsas yoxdur”, – Makron bildirib. “Müharibəsi dayandırmağın vaxtı çatıb”. (Tass)