Fransa hakimiyyəti Rusiyadan yola düşən “Grinch” tankerinin həbs orderini ləğv edib və o, ölkənin ərazi sularını tərk edib. Bu barədə Marsel prokurorluğunun TASS-a daxil olan bəyanatında bildirilir.
Mətndə qeyd olunur ki, “Buş-dü-Ron departamentinin prefekti gəmiyə qoyulan məhdudiyyətləri qaldırdı və gəmi Fransanın ərazi sularını tərk etdi”.
Departament bildirib ki, “tanker Fransanın ərazi sularını tərk edənə qədər səlahiyyətli xidmətlərin nəzarəti altında qalıb”.
Bəyanatda həmçinin bildirilir ki, gəminin sahibi sadələşdirilmiş məhkəmə prosesində bayrağın olmamasına görə açıqlanmayan məbləğdə cərimə olunub. Prokurorluq şirkətin bayrağı ən qısa müddətdə tankerin üzərinə qaldırmağı öhdəsinə götürdüyünü bildirib.