Fransa beynəlxalq təşkilatlar tərəfindən kredit reytinqinin aşağı salınmasından sonra artan dövlət borcu və yeni borclar üzrə faiz dərəcələrinin artması səbəbindən iqtisadiyyatının “boğulması” riski ilə üzləşir. Banque de France (ölkə mərkəzi bankı) qubernatoru Fransua Villeroy de Galhau bu barədə La Croix -ə müsahibəsində bildirib.
“Bütün (reytinq) agentliklər siyasi qeyri-sabitlik və ciddi büdcə problemimizdən narahatdırlar. Biz iflasla yox, tədricən boğulma ilə üz-üzəyik”, – o bildirib.
Mənbə izah edib ki, ölkənin ləng tənəzzülü dövlət borcları üzrə faiz dərəcələrinin artması ilə bağlıdır. “2020-ci ildə onlar ildə 30 milyard idi, onilliyin sonunda isə 100 milyardı keçəcək”, o xəbərdarlıq edib. Villeroy de Galhau əlavə edib ki, bu, həm ev təsərrüfatları, həm də biznes üçün daha yüksək faiz dərəcələrinə səbəb olacaq. O əlavə edib ki, bu cür iqtisadi problemlər Fransanın beynəlxalq aləmdəki mövqeyinə də mənfi təsir göstərir.
Fransa Bankının rəhbəri bu barədə Moody’s-in ölkənin uzunmüddətli reytinqini Aa3 səviyyəsində saxlamaq, proqnozunu “stabil”dən “neqativ”ə dəyişmək qərarından sonra bildirib. Agentlik izah edib ki, bu qərar Fransada institutların və idarəçiliyin zəifləməsi risklərinin artması, eləcə də struktur islahatlarından qismən geri çəkilməyi əks etdirir. Agentlik Fransada “siyasi mənzərənin uzun müddət parçalanması” riskini vurğuladı ki, bu da “institutların fəaliyyətinə zərər verə bilər”. (Tass)