Fransa Milli Assambleyası (parlamentin aşağı palatası) hökumətə qarşı etimadsızlıq qətnaməsini rədd etdi. Səsvermənin nəticələrini palatanın iclasında onun spikeri Yael Bron-Pivet təqdim edib.
“256 deputat lehinə səs verdi, səs çoxluğu əldə edilmədi və qətnamə qəbul edilmədi”, – deyə o bildirib.
Qətnamənin qəbul edilməsi üçün 289 səsin mütləq əksəriyyəti tələb olunurdu.
Daha əvvəl solçu “Fransa Tabesiz” partiyası Sebastyan Lekornunun kabinetinə etimadsızlıq təklifini Milli Assambleyaya təqdim etmişdi və hökumətin Aİ rəhbərliyinin Cənubi Amerika Ortaq Bazarı (MERCOSUR) ilə ticarət sazişi imzalamasının qarşısını almaq üçün kifayət qədər iş görmədiyini hesab etmişdi. (Tass)