Fransanın baş naziri Sebastyan Lekornu sentyabrın 25-də Paris məhkəməsi tərəfindən 2007-ci il seçki kampaniyasının Liviya tərəfindən maliyyələşdirilməsi ilə bağlı 5 il həbs cəzasına məhkum edilmiş keçmiş Fransa prezidenti Nikola Sarkozini dəstəkləyib.
“Mənim onunla və ailəsi ilə mehriban münasibətim var. Onun ölkəmiz üçün etdiklərini unutmamışam”, – baş nazir “Le Parisien”ə müsahibəsində deyib.
Eyni zamanda, Lecornu məhkəmələrə hətta apellyasiya şikayətindən əvvəl də hökmlərin dərhal icrasına göstəriş verməyə imkan verən qanunvericiliyə yenidən baxılması zərurəti barədə şərh verməkdən imtina edib. “Mən məhkəmənin qərarını şərh etməyəcəyəm və heç vaxt məhkəmə sisteminin hərəkətlərini şübhə altına almayacağam. Bu, qanunun aliliyinin fundamental prinsiplərindən biridir”, – baş nazir bildirib.
Bununla belə, o, parlamentin mövcud qanunvericiliyə düzəlişlər edə biləcəyini istisna etməyib. “Əgər qanun mübahisəlidirsə, o zaman məsələyə baxmaq parlamentin işidir”, – Lecornu qeyd edib