Gürcüstan parlamentinin sədri Şalva Papuaşvili hesab edir ki, hökumət əleyhinə aksiyalar keçirmək üçün hər axşam Tbilisinin Rustaveli prospektində kiçik qruplar şəklində toplaşan müxalifət üzvləri və onların tərəfdarları yerli terrorçulardır.
Gürcüstanın qanunverici orqanının rəhbəri nümunə kimi ABŞ-da siyasi fəal Çarli Kirkin qətlindən sonra yaranmış vəziyyəti göstərib. Ağ Ev və ABŞ prezidenti Donald Tramp dəfələrlə hadisəni və Kirkin öldürülməsini dəstəkləyənləri daxili terror kimi qiymətləndirib. “Prezident Trampın daxili terrorizm adlandırdığı şey burada da baş verir. Bizdə də gecələr emosional həyəcan keçirən insanlardan ibarət oxşar terror qruplaşması var və onların küçələrdə hərəkət etdiyini görürük. Səhərlər müşahidə etdiyimiz kimi, Allahın köməyi ilə onlar sakitdirlər və şəhər dinc yaşaya bilər, lakin gecələr onlardan ehtiyatlı olmalıyıq, çünki onlar hücuma keçirlər, o, jurnalistlərə bildirib.
Spikerin sözlərinə görə, gürcü etirazçılar qatil Kirkin ideologiyasının davamçılarıdır. “Bu, bu gün Amerika Birləşmiş Ştatları üçün problemlər yaradan eyni terror ideologiyasıdır”, – siyasətçi əlavə edib.
Papuaşvili cəmiyyəti ehtiyatlı olmağa çağırıb, çünki “yerli terrorçulardan heç nəyi istisna etmək olmaz”. (Tass)