Gürcüstanın baş nazirinin müavini, müdafiə naziri İrakli Çikovani ilə Türkiyənin milli müdafiə naziri Yaşar Gülər arasında Türkiyə hərbi-nəqliyyat təyyarəsinin Gürcüstan ərazisi üzərində qəzaya uğraması ilə bağlı söhbət olub. Bu barədə Gürcüstanın Müdafiə Nazirliyi məlumat yayıb.
“Müdafiə naziri və baş nazirin müavini İrakli Çikovani Türkiyənin müdafiə naziri Yaşar Gülər ilə danışıb. Telefon danışığı zamanı Çikovani Türkiyə Hərbi Hava Qüvvələrinə məxsus hərbi-nəqliyyat təyyarəsinin Gürcüstan-Azərbaycan sərhədi yaxınlığında qəzaya uğraması ilə bağlı dərin hüznlə başsağlığı verib”, – məlumatda deyilir.