Hespress xəbər portalının verdiyi məlumata görə , Amerika-İsrail startapı Covenant Industries tərəfindən hazırlanmış yeni uzunmənzilli raket “Anthem”, Mərakeşin Tan-Tan şəhəri yaxınlığındakı hərbi təlim poliqonunda sınaqdan keçirilib.
Portalın məlumatına görə, “6 avqustda Tan-Tan bölgəsindəki sınaq poliqonunda Anthem raketinin uğurlu sınağı keçirilib.” Portal qeyd edir ki, “ilk döyüş atışlı təlimdə Afrika Çoxsahəli Təlim və Təcrübə Mərkəzinin (AMTEC) resurslarından istifadə edilib və ABŞ ordusu və Mərakeş Kral Silahlı Qüvvələrinin şəxsi heyəti iştirak edib”.
Daha əvvəl bildirilmişdi ki, Mərakeş və ABŞ krallığın cənub hissəsində yerləşən Tan-Tan yaxınlığındakı atış poliqonunda qanadlı raketlərlə ilk birgə döyüş atışlı təlim keçiriblər. Mərakeş Silahlı Qüvvələrinin məlumatına görə, təlimdə “miqyaslı və səmərəli dəqiq zərbə variantları təmin etmək üçün hazırlanmış ucuz, uzun mənzilli qanadlı raket sistemindən” istifadə edilib. Bundan əlavə, təlim “rabitə sistemlərinin effektivliyini yoxlamaq və raketlərin və buraxılış qurğularının komponentlərinin manevr qabiliyyətini qiymətləndirmək” üçün keçirilib. (Tass)