Hindistanın İnformasiya və Yayım Nazirliyi Telegram-a piratçılıqla bağlı bildiriş göndərərək, onlayn kinoteatrlardan və yayım xidmətlərindən pirat filmlərin və məzmunun yayılmasına qarşı dərhal tədbirlər görülməsini və görülən tədbirlər barədə 15 gün ərzində hesabat verilməsini tələb edib.
Nazirlik öz bildirişində Telegram-a xatırlatdı ki, “platforma vasitəçi kimi çıxış edərək informasiya texnologiyaları sektorundakı qanun və qaydalara uyğun olaraq lazımi araşdırma aparmağa borcludur”. Hakimiyyət orqanları Telegram-ın hökumətin hər bir pirat kanalını ayrıca müəyyən etməsini gözləyə bilməyəcəyini açıq şəkildə bildirdilər.
Yeni hökumət bildirişi bir neçə onlayn kinoteatr, yayım xidmətləri və müəllif hüquqları sahiblərinin Telegram-da müəllif hüquqları ilə qorunan filmlərin və veb serialların geniş şəkildə icazəsiz paylanması ilə bağlı şikayətlərindən sonra verilib. Nazirlik pirat filmlər, veb seriallar və digər müəllif hüquqları ilə qorunan məzmun yayan 3142 Telegram kanalını müəyyən edib. (Tass)