Randhir Caysval brifinqdə bildirib ki, Yaxın Şərq böhranının başlanğıcından bəri on Hindistan bayrağı altında üzən gəmi Hörmüz boğazından təhlükəsiz şəkildə keçib.
“Artıq on gəmimiz Hörmüz boğazını təhlükəsiz şəkildə keçərək Hindistana çatıb”, – deyə o bildirib. Ceysval əlavə edib ki, hazırda daha bir Hindistan gəmisi yoldadır və tezliklə Hindistan sahillərinə çatacaq.
Diplomat qeyd edib ki, “bir neçə Hindistan gəmisi” Fars körfəzi bölgəsində qalır. “Biz onların Hörmüz boğazından təhlükəsiz keçidini təmin etmək üçün İran və digər ölkələrlə əlaqə saxlayırıq”, – deyə Ceysval bildirib.
Aprelin əvvəlində Hindistanın Limanlar və Gəmiçilik Nazirliyi Hörmüz boğazında ən azı 22 Hindistan bayrağı altında üzən gəminin olduğunu qeyd edib. Hindistan hökuməti bunlardan 20-sini ölkənin enerji təhlükəsizliyi üçün kritik hesab edib. (Tass)