Ukrayna münaqişəsini təhrik edən qüvvələr onu Avropaya yaymağa çalışırlar. Bu fikri köşə yazarı Əbdülkadir Selvi Türkiyənin “Hürriyet” qəzetində dərc olunmuş məqaləsində bildirib.
Selvi qeyd edir ki, “Rusiya ilə Ukrayna arasında müharibəni başlayan qüvvələr onun bitməsini istəmir və onu Avropaya yaymaq üçün səy göstərirlər”. O, mövcud vəziyyətlə 2022-ci ilin mart ayında İstanbulda Ukraynada nizamlanma ilə bağlı danışıqlar arasında paralellər aparır.
Jurnalist yazır: “Rusiya və Ukraynanın İstanbulda razılığa gəldiyi gün İngiltərə [Volodymyr] Zelenskini danışıqlardan kənarlaşdırdı. ABŞ Prezidenti Donald Tramp Rusiya Prezidenti Putinlə telefonda danışarkən və Volodymyr Zelenskini Floridadakı malikanəsində qonaq edərkən nə baş verdi? Sonra Putinin iqamətgahına dron hücumu təşkil edildi”.
O, Ukraynanı dəstəkləyən qüvvələrin Türkiyəni Rusiyaya qarşı qoymaq planları qurduğuna inanır.
“Bilirəm ki, iki ölkənin liderləri bu oyuna aldanmayacaqlar. Bizə düşmənçilikdən daha çox Rusiya ilə əməkdaşlığa ehtiyacımız var”, – hökumətyönlü qəzetin köşə yazarı qeyd edib. (Tass)