İslam İnqilabı Keşikçiləri Korpusu (İİKK, İran Silahlı Qüvvələrinin elit bölməsi) Fars körfəzində Qeşm və Henqam adaları arasında qəzaya uğrayan “müasir düşmən qırıcı təyyarəsini” vurduğunu iddia edib.
İran dövlət televiziyası İİKK-nın mətbuat xidmətinə istinadən bildirib ki, “Yalançı ABŞ prezidentinin İİKK-nın hava hücumundan müdafiə sisteminin tamamilə məhv edilməsi barədə yalan açıqlamasından sonra bir neçə dəqiqə əvvəl Qeşm adasının cənubunda müasir düşmən qırıcısı ölkənin inteqrasiya olunmuş hava hücumundan müdafiə şəbəkəsi tərəfindən idarə olunan İİKK dəniz qüvvələrinin ən son hava hücumundan müdafiə sistemi tərəfindən vurulub”.
İran Silahlı Qüvvələrinin məlumatına görə, qırıcı təyyarə Henqam və Qeşm adaları arasında qəzaya uğrayıb və batıb.