İndoneziya hakimiyyəti ABŞ və İsrailin İrana hücumlarından sonra Qəzza zolağını idarə etmək üçün yaradılmış Sülh Şurasından çıxmağı nəzərdən keçirir. Bu barədə Xalq Məşvərət Məclisinin (ölkənin ikipalatalı parlamenti) sədri Əhməd Muzani bildirib.
“İndoneziya üçün Sülh Şurasında iştirak və ondan çıxmaq mümkün variantlardır və ölkənin prezidenti Prabovo Subianto artıq dəfələrlə bu barədə danışıb. Biz assosasiyadan istənilən vaxt çıxa bilərik, amma təkrar edirəm ki, bu, qarşılıqlı razılıq əsasında baş verməlidir”, – deyə Antara xəbər agentliyi onun sözlərini sitat gətirir.
Parlament sədri xatırladıb ki, Cakarta təşkilatın fəaliyyətinin Fələstin müstəqilliyinə nail olmaq prosesini sürətləndirəcəyi ümidi ilə Sülh Şurasına qoşulub. Bununla belə, o bildirib ki, ABŞ və İsrailin İran ərazisinə son hücumları İndoneziya rəhbərliyini bu təşkilatın rolunu yenidən nəzərdən keçirməyə sövq edib. Parlament üzvü vurğulayıb ki, “ABŞ və İsrailin İrana hücumları Prezidentin İndoneziyanın Sülh Şurasında iştirakını yenidən nəzərdən keçirə biləcəyini açıq şəkildə göstərib”. (Tass)