İranın cənub-qərbindəki Xuzistan əyalətində son üç gündə İran hərbi obyektlərinin foto və videolarını İslam Respublikasının müxalifləri ilə əlaqəli media qurumlarına göndərdikləri üçün 138 nəfər həbs edilib. Bu barədə İran polisinin mətbuat xidməti məlumat verib.
SNN-in açıqlamasına istinadən verdiyi məlumata görə, “Son 72 saat ərzində düşmən media qurumları, xüsusən də [İran] Beynəlxalq və Manoto kanalları ilə əlaqəli 138 şəxs məhkəmə orqanları ilə əlaqələndirilərək uğurla müəyyən edilib və saxlanılıb. Bu şəxslər telefon danışıqları planlaşdırıb, mühüm hərbi və hüquq-mühafizə obyektlərinin fotoşəkillərini çəkib, onları lentə alıb və düşmən şəbəkələrinə göndəriblər ” .