Müharibə və düşmənlə danışıqlar barədə qərarlar İranın Ali Lideri tərəfindən milli maraqlara əsaslanaraq qəbul edilir. Bunu İslam Respublikasının birpalatalı parlamentinin spikeri Məhəmməd Baqer Qalibaf İran xalqına müraciətində bildirib.
Qalibafın Telegram kanalında dərc olunmuş mətndə deyilir: “Müharibə ilə düşmənlə danışıqlar arasındakı xətt milli təhlükəsizlik və maraqlara əsasən müəyyən edilir və bu vasitələrin hər birindən istifadə qərarı Ali Rəhbər və Silahlı Qüvvələrin Baş Komandanının səlahiyyətləri daxilindədir”.
Onun sözlərinə görə, “qələbəyə və millətin hüquqlarının reallaşmasına gedən yol rəhbərliyin göstərişlərinə əməl etməkdən və müqavimətə, rasionallığa və bütün müdafiə və diplomatik imkanlardan ağıllı istifadəyə əsaslanan aydın bir yol xəritəsi ilə irəliləməkdən keçir”. (Tass)