İran hakimiyyəti Avropa ölkələrini ABŞ və İsrailin İrana qarşı təcavüzünü dəstəklədikləri təqdirdə qanuni hədəfə çevrilə biləcəkləri barədə xəbərdar edib. Bu barədə İran xarici işlər nazirinin müavini Məcid Təxt-Rəvançi France 24″ televiziyasında bildirib.
“Biz artıq avropalıları və hər kəsi diqqətli olmaları və İrana qarşı bu təcavüzkar müharibəyə qarışmamaları barədə məlumatlandırmışıq. Əgər onlar kömək etsələr, konkret ölkələrin adını çəkmək istəmirəm, amma hər hansı bir ölkə ABŞ və İsrailin İrana qarşı təcavüzünə qoşularsa, o zaman şübhəsiz ki, İranın qisas hədəfinə çevriləcək”, – deyə o bildirib.