İsrail kəşfiyyat agentliyi Mossad üçün işləməkdə ittiham olunan iki iranlı – Məhəmməd Məsum Şahi və Həmid Vəlidi bazar ertəsi günü İranda edam edilib. Bu barədə İran məhkəmə sisteminin mətbuat xidməti məlumat yayıb.
Bəyanatda qeyd edilir ki, iş materiallarına görə, bu şəxslər internetdən və İraq Kürdüstanına səfərlərdən istifadə edərək İsrail kəşfiyyat zabitləri ilə əlaqə saxlayan və terror hücumları və təxribat törətmək üzrə təlim keçdikdən sonra ölkəyə qayıdan casus şəbəkəsinin üzvləri idilər.
İran hakimiyyət orqanlarının məlumatına görə, edam edilən şəxslər artıq bir neçə vəhşilik, o cümlədən bir neçə hərbi və mülki obyektin yandırılması törətmişdilər. Bütün təxribat aktları kameraya çəkilib və sonra Mossaddakı rəhbərlərinə göndərilib. (Tass )