İran ABŞ və İsrailin köməyi ilə qərb sərhədindən ərazisinə sızmağa çalışan terrorçu qruplara qarşı qabaqlayıcı zərbə endirib. Bu barədə İslam Respublikasının Kəşfiyyat Nazirliyi məlumat yayıb.
İran dövlət televiziyası nazirliyin məlumatına istinadən bildirib ki, “Amerika-sionist düşməninin (ABŞ və İsrail nəzərdə tutulur) dəstəyi ilə terrorçu separatçı qruplar ölkənin qərb sərhədlərinə nüfuz etmək və şəhər və sərhəd ərazilərində terror hücumları törətmək üçün hərbi vəziyyətdən sui-istifadə etməyi planlaşdırırdılar. Lakin Kəşfiyyat Nazirliyi və İslam İnqilabı Keşikçiləri Korpusunun birgə profilaktik əməliyyatı nəticəsində bu muzdluların mövqelərinin əhəmiyyətli bir hissəsi məhv edilib”. (Tass)