İslam Respublikasının Rusiyadakı səfiri Kazem Cəlalinin sözlərinə görə, İranda ən azı 125 min mülki infrastruktur obyekti ABŞ və İsrailin hücumları nəticəsində hədəfə alınıb.
O, İslam Respublikasının Ordu Günü münasibətilə keçirilən təntənəli qəbulda bildirib ki, “Amerika Birləşmiş Ştatları və sionist rejimi tərəfindən İrana qarşı tətbiq edilən müharibə İran üçün tarixi qələbə ilə nəticələndi. [Münaqişə zamanı] 125.000 mülki obyekt, yaşayış binası, xəstəxana və iqtisadi infrastruktura hücum edilib”.
Cəlali bildirib ki, münaqişə zamanı 220 uşaq və 250 qadın da daxil olmaqla 3000-dən çox iranlı həlak olub. (Tass)