İranın Xarici İşlər Nazirliyinin məlumatına görə, telefon danışığı zamanı İranın xarici işlər naziri Abbas Əraqçi rusiyalı həmkarı Sergey Lavrovu ABŞ-ın atəşkəsi pozması barədə məlumatlandırıb.
“Söhbət zamanı xarici işlər nazirimiz rusiyalı həmkarına regionda baş verən hadisələr və ABŞ tərəfindən davam edən atəşkəs pozuntuları barədə məlumat verdi. ABŞ-ın qanunsuz davranışı və liderlərinin ziddiyyətli mövqeləri diplomatiyanın tələbləri ilə uyğun gəlmir və İran, qarşı tərəfin davranışını müşahidə edərək, öz maraqlarını və milli təhlükəsizliyini qorumaq üçün müvafiq qərar qəbul edəcək”, – deyə bəyanatda bildirilir.
İran Xarici İşlər Nazirliyi qeyd edib ki, regionda sülh və sabitliyin bərpası üçün Tehran və Moskva arasında ikitərəfli əməkdaşlıq da müzakirə olunub.