İsrail Müdafiə Qüvvələri (İMQ) Qəzza zolağında HƏMAS-ın polis komandirini öldürüb. O, eyni zamanda radikal təşkilatın hərbi qanadının tağım komandirinin müavini, eləcə də Fələstin İslam Cihadının Nuhba xüsusi təyinatlı dəstəsinin üzvü olub. Bu barədə İMQ-nin mətbuat xidməti məlumat yayıb.
Bəyanatda deyilir: “İDF Qəzza zolağının şimalında keçirilən hücumda HƏMAS-ın polis komandiri Əbdül Nasir əl-Məqədməni öldürüb. O, son aylarda İDF əsgərlərinə və İsrail mülki əhalisinə qarşı terror hücumları həyata keçirib.” İDF həmçinin İslam Cihadının hərbi qanadının bir hissəsi olan Nuhba xüsusi təyinatlı qüvvələrinin terrorçusu Əmr Əbu əl-Rişi də öldürüb.
Agentliyin məlumatına görə, həmin şəxslər “qoşunlar üçün təhlükə yaradıb və dəqiq hava hücumları nəticəsində məhv ediliblər”. Mətbuat xidməti əlavə edib ki, “zərbələrdən əvvəl mülki əhaliyə dəyən ziyanı minimuma endirmək üçün tədbirlər görülüb”. (Tass)