İsrail Müdafiə Qüvvələri (İMQ) 40 nəfərlik İsrail vətəndaşından ibarət qrupun Suriyaya girməsinin qarşısını alaraq onları yəhudi dövlətinə qaytarıb.
“Bu yaxınlarda təxminən 40 İsrail vətəndaşı İsrail-Suriya sərhədində toplaşıb. Bir neçə dəqiqə sonra onlar sərhədi keçərək bir neçə yüz metr Suriyaya doğru irəliləyiblər. Hadisə yerində əməliyyat keçirən İsrail Müdafiə Qüvvələrinin əsgərləri mülki şəxsləri İsrail ərazisinə qaytararaq saxlayıblar. Saxlanılan vətəndaşlar İsrail polisinə təhvil verilib”, – deyə bəyanatda bildirilir.
İsrail Müdafiə Qüvvələrinin mətbuat xidməti qeyd edib ki, “bu hadisəni qətiyyətlə pisləyir”, çünki bu, “mülki şəxslərin və İsrail Müdafiə Qüvvələrinin şəxsi heyətinin həyatını təhdid edən cinayət əməli” təşkil edir.