İsrailin Aİ-dəki yeni səfiri Avi Nir-Feldklein fələstinlilərin yəhudi dövlətini tam tanıması şərti ilə ölkəsinin gələcəkdə tamhüquqlu Fələstin dövlətinin yaradılmasına razılıq verə biləcəyini istisna etməyib.
“Onlar İsraili yəhudi dövləti kimi tanımalıdırlar. Biz Fələstin rəhbərliyinin gələcək həll yoluna çox daha səmimi münasibətini görməliyik, sonra kim bilir? Bəlkə o zaman bu məsələyə yenidən baxılacaq”, – səfir Avropanın “Politico” nəşrinə müsahibəsində bildirib.
O, qeyd edib ki, radikal HƏMAS hərəkatı Qəzza zolağında müəyyən nüfuzunu saxladıqca və bir sıra digər Fələstinin siyasi qüvvələri yəhudi dövlətinin mövcudluq hüququnu inkar edir, Fələstin və İsrailin iki dövlət prinsipi əsasında ayrılması qərarı İsrailin maraqlarına ziddir.
“Bu məsələ əvvəllər gündəmdə idi, indi bu məsələ masadan kənarda qalıb. Amma bilirsiniz, ətrafımızda həyat dinamikdir. Ona görə də dəqiq bilmirəm, amma bəlkə də biz fələstinlilərin həqiqətən səmimi səylərini görəndə, bu həll mümkün olacaq”, – Nir-Feldklein əlavə edib. (Tass)