İsveç hökuməti sursat təchizatının təhlükəsizliyini gücləndirmək üçün 500 milyon kron (52,5 milyon dollar) ayırmaq qərarına gəlib. Bu barədə Hökumət Kansleri İdarəsinin mətbuat açıqlamasında bildirilib.
Müdafiə naziri Pol Conson mətbuat açıqlamasında bildirib ki, “Bütün hazırlıq səviyyələrində sursatın mövcudluğu İsveç üçün vacib təhlükəsizlik amilidir. İsveç həm müstəqil, həm də digər Skandinaviya ölkələri ilə birlikdə sülh dövründə, böhran dövründə və müharibə dövründə etibarlı və davamlı sursat təchizatını təmin etməlidir. Bu investisiyalar təchizat zəncirində ümumi istehsal gücünü məhdudlaşdıran maneələrin aradan qaldırılmasına kömək edir”.
Sənəddə qeyd olunur ki, bu addım, Avropanın müdafiə sənayesini gücləndirmək və modernləşdirmək, istehsal gücünü artırmaq, qabaqcıl texnologiyaların, dayanıqlığın və AB ölkələrinə hərbi texnikanın etibarlı tədarükünü təmin etmək məqsədi daşıyan Avropa Müdafiə Sənayesinin İnkişaf Proqramı (EDIP) çərçivəsində potensialı artıran layihələrə investisiya qoyuluşları üçün şirkətlərin Aİ fondlarına müraciətlərinin dövlət tərəfindən birgə maliyyələşdirilməsi imkanını təmin edir. EDIP-in “Enerji Komponentləri” layihəsi çərçivəsində Avropa şirkətlərinə yanacaq, partlayıcı maddələr və digər əsas sursat komponentləri üçün istehsal güclərini gücləndirmək üçün 165 milyon avrodan çox vəsait ayrılacaq. (Tass)