Kahramanmaraşda orta məktəbə silahlı hücumdan sonra bölgəyə gedən Daxili İşlər naziri Mustafa Çiftçi, ədliyyə naziri Akın Gürlek, milli təhsil naziri Yusuf Tekin və səhiyyə naziri Kamal Memişoğlu yaralıların vəziyyəti və istintaq prosesi ilə bağlı Kahramanmaraş Universitet Xəstəxanasının qarşısında birgə mətbuat konfransı keçiriblər.
Nazir Çiftçi mətbuata verdiyi açıqlamada hücumun saat 13:30 radələrində baş verdiyini bildirib. Məktəbin ikinövbəli sistemdə (səhər və günortadan sonra sessiyaları) fəaliyyət göstərdiyini xatırladan Çiftçi hücumun səhər şagirdlər dərsdən çıxdığı zaman baş verdiyini bildirib.
Hücumla bağlı ağrılı detalları paylaşan nazir Çiftçi bunları bildirib:
Bu hadisə nəticəsində təəssüf ki, 9 nəfəri itirdik. Onlardan səkkizi şagird, biri isə müəllim idi. Bundan əlavə, 13 nəfər yaralanıb. Yaralılardan altısı reanimasiyada, üçünün isə vəziyyəti ağırdır.