Samvel Karapetyanın “Güclü Ermənistan” bloku Ermənistan hakimiyyətinin müxalifətdəki “Çiçəklənən Ermənistan” partiyasının lideri, iş adamı Qaqik Tsarukyana qarşı siyasi repressiyalarını pisləyən bəyanat yayıb.
“Güclü Ermənistan bloku mövcud hakimiyyətin Çiçəklənən Ermənistan Partiyasının lideri Qaqik Tsarukyana qarşı həyata keçirdiyi siyasi repressiyaları və onun şirkətlərində axtarışları pisləyir. Bu, ölkədə davam edən kütləvi siyasi təqiblərin daha bir nümunəsidir. Hazırkı hakimiyyət tərəfindən davam edən repressiyaların əsas məqsədi müxalifət qüvvələrini yatırmaqdır. Hüquq-mühafizə sistemindən siyasi silah kimi istifadə ölkə iqtisadiyyatına və investisiya mühitinə ciddi zərbə vurur”, – deyə siyasi qüvvənin bəyanatında bildirilir.
Karapetyanın bloku hökumətin bu hərəkətlərinə ictimai dəstəyin açıq-aşkar olmamasını qeyd etdi. Siyasi qüvvə Ermənistanın qanunun aliliyini, müstəqil məhkəmə sistemini və ictimai rifahı təmin edəcək dəyişikliklərə ehtiyacı olduğunu bir daha vurğuladı.
Ermənistanın on müxtəlif müxalifət partiyası əvvəllər hakimiyyətin Çiçəklənən Ermənistan Partiyasının (ÇEP) lideri Tsarukyana qarşı hərəkətlərini siyasi təqib və qisas adlandıran bəyanatlar yayıb. (Tass )