Nepalda kütləvi iğtişaşlar fonunda fəaliyyəti dayandırılan Katmandu Tribhuvan Beynəlxalq Hava Limanı uçuşların qəbulunu və göndərilməsini bərpa edib. Bu barədə jurnalistlərə hava limanının baş meneceri Hanşarac Pandey məlumat verib.
Onun sözlərinə görə, həm daxili, həm də beynəlxalq reyslər bərpa edilib.
Tribhuvan hava limanı bu həftənin əvvəlində Himalay əyalətinin bütün şəhərlərini əhatə edən iğtişaşlar və korrupsiyaya qarşı etirazlardan və sosial media qadağasından sonra Nepalda qeyri-sabitlik fonunda fəaliyyətini dayandırıb. Baş nazir Şarma Oli istefa verib. Etirazçılar hökumət binalarını, o cümlədən parlament, Ali Məhkəmə və prokurorluq binalarını yandırıb, siyasətçilərin və məmurların evlərinə hücum ediblər. Nepal Səhiyyə Nazirliyinin məlumatına görə, 30-dan çox insan həlak olub, 1000-dən çox insan yaralanıb. Ölkədə komendant saatı tətbiq edilib. Sentyabrın 9-da etirazlar fonunda hakimiyyət sosial şəbəkələrə qoyulan qadağanı ləğv etdi. Sentyabrın 10-da Nepal ordusu ölkəni böhrandan çıxarmaq üçün etirazçılarla danışıqlara hazır olduqlarını bəyan edib. (Tass)