İranın dəniz blokadasının davam etməsi ABŞ-ın Hörmüz boğazında naviqasiya azadlığını təmin etmək kimi bəyan etdiyi məqsədə ziddir. Bu barədə İslam Respublikasının Moskvadakı səfiri Kazem Cəlali jurnalistlərə bildirib.
“Onlar hazırda dəniz blokadası tətbiq edirlər. Əgər onlar [ABŞ] Hörmüz boğazını istəyirlərsə, niyə dəniz blokadası tətbiq edirlər? Bu, mahiyyət etibarilə onların öz məqsədlərinə ziddir. Biz ABŞ-dan qeyri-sabit siyasətin gəldiyini görürük”, – deyə o bildirib.
İranın xarici işlər naziri Abbas Əraqçi bir müddət əvvəl Hörmüz boğazının kommersiya gəmiləri üçün açıldığını elan etmişdi. ABŞ prezidenti Donald Tramp bəyan etmişdi ki, Vaşinqton yekun razılaşma əldə olunana qədər İslam Respublikasına qarşı dəniz blokadasını davam etdirəcək. Daha sonra İslam İnqilabı Keşikçiləri Korpusu (İİKK, İran Silahlı Qüvvələrinin elit bölməsi) ABŞ-ın dəniz blokadası tamamilə aradan qaldırılana qədər İranın boğazı bağladığını elan etdi. İİKK gəmi sahiblərini İranın tövsiyələrinə ciddi şəkildə əməl etməyə çağırdı və ABŞ prezidentinin Hörmüz boğazındakı vəziyyətlə bağlı açıqlamalarını “etibarsız” adlandırıb. (Tass)