Avropa İttifaqı regiondakı geosiyasi qarşıdurma fonunda geridə qalmaqdan ehtiyat edərək bu payız yeni Arktika strategiyası qəbul etmək niyyətindədir. Bu barədə Avropa İttifaqının Beynəlxalq Tərəfdaşlıq üzrə komissarı Jozef Sikela Euractiv portalına verdiyi müsahibədə bildirib.
Avropa Komissarı qeyd edib ki, “Arktika artıq periferik bölgə deyil, qlobal iqtisadi və geosiyasi sabitliyin mərkəzi elementinə çevrilir”. “Avropa buna uyğunlaşmalıdır. Əgər indi cavab verməsək, gələcəkdə xərclər daha yüksək olacaq”, – deyə o əlavə edib.
Çin və Rusiyanın regiona maraq göstərməsi və ABŞ rəsmilərinin Qrenlandiyanın qoşulma ehtimalını dəfələrlə qaldırması ilə Avropa İttifaqı Arktikadakı rolunu müəyyənləşdirməyə çalışır və regional strategiya hazırlayır. Sikelanın sözlərinə görə, strategiya Aİ ölkələri tərəfindən Aİ-yə daxil olmayan müttəfiqləri – Norveç, Kanada və İslandiya ilə birlikdə hazırlanır. Avropa Komissarı hesab edir ki, sənəd nəhayət bu payız təsdiqlənəcək.
Sikela əlavə edib ki, Qrenlandiya Aİ-nin Arktika səylərinin mərkəzindədir və Brüssel burada rəqəmsal infrastruktur, su elektrik stansiyaları və vacib xammal layihələrinə uzunmüddətli investisiyalar vasitəsilə öz mövcudluğunu genişləndirməyə çalışır. (Tass)