Kreml ümid edir ki, ABŞ-ın nüvə sınaqları planları ətrafında vəziyyət aydınlaşacaq və Moskva ilə Vaşinqton arasında münasibətlərə xələl gətirməyəcək. Bunu jurnalistlərə Rusiya prezidentinin mətbuat katibi Dmitri Peskov deyib.
“Ümid edirik ki, olmayacaq. Ümid edirik ki, olmayacaq, sadəcə olaraq, prezident Trampın nə demək istədiyini hələ tam başa düşmək imkanımız yoxdur”, – Peskov bildirib. “Ancaq bu gün prezidentimizə bildirdiyimiz kimi, Amerika administrasiyasının konkret hərəkətləri ilə bağlı gördüklərimizə əsasən, bizim şübhələrimiz var. Ona görə də biz ilk növbədə onları öyrənməliyik, vəziyyəti araşdırmalıyıq və bundan sonra [sınaqlara] hazırlıqların başlamasının məqsədəuyğunluğu barədə fikir formalaşdırılacaq, əgər bu məqsədəuyğun olarsa”, – Peskov aydınlıq gətirib.