Son 24 saat ərzində Ukrayna Silahlı Qüvvələri Kursk vilayətinin sərhəd ərazilərinə 49 dəfə artilleriya atəşi açıb və bölgə üzərində 127 Ukrayna dronu vurulub. Qubernator Aleksandr Xinşteyn bildirib ki, itki yoxdur.
“Ümumilikdə, 18 avqust saat 9:00 [ Bakı vaxtı ilə 10:00 ] ilə 19 avqust saat 9:00 [Bakı vaxtı ilə 10:00 ] arasında müxtəlif tipli 127 düşmən dronu vurulub. Düşmən boşaldılmış ərazilərə 49 dəfə artilleriyadan istifadə edib. Dronlar partlayıcı qurğulardan istifadə edərək ərazimizə üç dəfə hücum edib. Ölən və ya yaralanan olmayıb”, – deyə o, bildirib
Qubernator əlavə edib ki, Ukrayna Silahlı Qüvvələrinin hücumları Medvenski rayonunun Vısokonskiye Dvorı kəndindəki enerji obyektinə və Rılski rayonundakı Rıjevkada bir evin damına zərər vurub.
“Oboyan şəhərində dron uşaq bağçası binasının yaxınlığındakı ağaca çırpılıb. Binadan 12 uşaq və 13 işçi təxliyə edilib. Heç bir ziyan və xəsarət alan olmayıb, ərazi mühasirəyə alınıb və təcili yardım xidmətləri hadisə yerindədir”, – deyə qubernator bildirib. (Tass)