İspaniyanın Seuta şəhəri hökumətinin başçısı Xuan Xesus Vivas ölkə hakimiyyətini şəhərdə sənədsiz qalan miqrantların deportasiya olunana qədər saxlanılması üçün müvəqqəti saxlama mərkəzi yaratmağa çağırıb. Bu barədə ” La Vanguardia” qəzeti məlumat yayıb.
Onun sözlərinə görə, Seuta meri hesab edir ki, şəhərdə 8000 ilə 11000 arasında miqrant qala bilər. Vivas hesab edir ki, əcnəbilər üçün saxlama mərkəzi kimi xidmət edəcək və qovulana qədər orada yerləşdirilə biləcəkləri bir məkanın hazırlanması təcilidir. Merin sözlərinə görə, bu, miqrantların əsas ehtiyaclarını ödəyəcək və onların Seuta küçələrində qalmasının qarşısını alacaq. (Tass)