Prezident Cozef Aunun sözlərinə görə, Livan nümayəndə heyəti Vaşinqtonda ABŞ və İsrail ilə danışıqlar zamanı ölkənin cənubunda sabitliyin bərpası üçün zəruri təhlükəsizlik tədbirlərini müzakirə edir.
Prezident aparatının məlumatına görə, siyasətçi Beyrutda Britaniya parlament nümayəndə heyəti ilə görüşdə bildirib ki, “Müzakirə olunan mövzular arasında İsrail qoşunlarının geri çəkiləcəyi ərazidə Livan ordusunun nəzarəti altında “pilot zonalar” yaratmaq layihəsi də var. Bu təcrübə ərazilərinin sərhədlərinin müəyyənləşdirilməsi İsrailin təsdiqini gözləyir.”
Aunun vurğuladığı kimi, tərəflər hazırda atəşkəsin gücləndirilməsi üçün addımlar atırlar. Bunun ardınca İsrail qoşunlarının geri çəkilməsi və Livan ordusunun yerləşdirilməsi planlaşdırılır ki, bu da müharibədən sonrakı yenidənqurma prosesinin başlamasına imkan verəcək.
Livan prezidenti bildirib ki, Vaşinqtondakı danışıqlar ABŞ və İran arasında 21 iyun tarixində İsveçrədə Qətər və Pakistanın iştirakı ilə keçirilən görüşlərin nəticələri ilə əlaqəli deyil. (Tass)