Ukrayna Rusiya ilə münaqişənin həlli çərçivəsində ərazisinin bir hissəsini vermək məcburiyyətində qalacaq. Bu barədə Macarıstanın xarici işlər və iqtisadi əlaqələr nazirinin müavini Levente Maqyar məlumat verib.
“İndi Ukrayna öz ərazisinin beşdə birindən imtina etməli olacaq. Mən Ukraynanın nə etməli olduğunu demək istəmirəm, sadəcə olaraq deyirəm ki, təcrübəmizə əsaslanaraq sülh bəzən ağrılı ola bilər”, – Magyarın bəyanatını Telex onlayn nəşri sitat gətirib.
O qeyd edib ki, Kiyev seçim etməlidir: ya ölkənin həyat qabiliyyətini qoruyub saxlamalı, ya da bir neçə min kvadrat kilometr ərazini saxlamalıdır. (Tass)