Macarıstanın yeni Baş naziri Peter Magyar hökumətinin Ukraynaya silah və ya qoşun göndərməyəcəyini bildirib. O, Berlində Almaniya kansleri Fridrix Merts ilə görüşdən sonra bu mövqeyini təkrarlayıb.
O, alman həmkarı ilə danışıqlardan sonra keçirilən mətbuat konfransında sualları cavablandırarkən bildirib ki, “Macarıstan yeni Macarıstan hökuməti dövründə Ukraynaya heç bir əsgər və ya silah göndərməyəcək”.
Magyar əvvəllər də eyni şeyi Brüsseldə NATO-nun baş katibi Mark Rutte ilə görüşdə və digər çıxışlarında bildirmişdi.
Viktor Orbanın rəhbərlik etdiyi Macarıstanın əvvəlki hökuməti də Ukraynaya hərbi yardım göstərməkdən imtina etmişdi və bu da Aİ liderləri ilə mübahisələrə səbəb olmuşdu. (Tass)