İstəklilərin qondarma koalisiyasına daxil olan 26 dövlət bu ölkədə atəşkəs və ya sülh bərqərar olduqdan sonra Ukraynaya hərbi kontingentin göndərilməsində iştirak etməyə hazır olduqlarını təsdiqləyiblər. Bunu Fransa prezidenti Emmanuel Makron Parisdə təşkil olunan koalisiya danışıqlarının yekunlarına dair mətbuat konfransında deyib.
“Bu gün 26 ölkə rəsmi olaraq Ukraynaya dəstək qüvvəsi kimi qoşun yerləşdirməyi və ya atəşkəs və ya sülhün bərqərar olmasının ertəsi günü Ukrayna ərazisində bu dəstəyi təmin etmək üçün quruda, dənizdə və ya havada mövcudluğunu təmin etməyi öhdəsinə götürüb” deyib.O, əlavə edib ki, “daha bir neçə ölkə hələ də öz mövqeyini nəzərdən keçirir” və sentyabrın 4-də keçirilən görüşə 35 iştirakçı daxil olub.
Onun sözlərinə görə, “istəklilər koalisiyası” nəhayət, yaxın günlərdə ABŞ-ın Ukraynaya təhlükəsizlik zəmanətlərinin verilməsinə töhfəsi ilə bağlı razılığa gələcəyini gözləyir.
“Biz yaxın günlərdə ABŞ-ın dəstəyi ilə bağlı işi yekunlaşdıracağıq, lakin artıq aydındır ki, istəkli koalisiya üzvlərinin hamısı – Avropa, Asiya, Sakit okean və Kanada – öhdəliklər götürüblər”, – prezident deyib. (Tass)