Fransa artıq Afrika da daxil olmaqla dünyanın digər bölgələrində hərbi bazalar qurmaq niyyətində deyil. Bunun əvəzinə, Paris yerli qoşunların təliminə diqqət yetirəcək və yalnız zəruri hallarda “müdaxilə edəcək”.
“Artıq müəyyən ərazilərdə böyük bazalar yerləşdirmək məntiqi ilə idarə olunmuruq: bu, artıq başa düşülmür və xüsusilə Rusiya ritorikası ilə əlaqəli olaraq neokolonialist alət kimi qəbul edilməyə başlayır. Bu cür münasibətlər sağlam deyildi; onları yenidən düşünmək lazım idi”, – deyə o, Nayrobidə keçirilən “Afrika İrəli” sammiti münasibətilə verdiyi müsahibədə bildirib.
Prezident əlavə edib ki, Fransa hakimiyyəti “[digər ölkələrin] ordularını öyrədir, onları təchiz edir və strukturlarını təkmilləşdirməyə kömək edir”. Fransa lideri qeyd edib ki, “Biz bəzən dövlətləri dəstəkləmək üçün müdaxilə edirik, amma artıq orada daimi əsasda mövcud deyilik”.
O, həmçinin qeyd edib ki, Mali, Burkina Faso və Nigerin daxil olduğu Sahel Alyansında Fransa qoşunları var, “çünki onlardan xahiş olunub”. Hərbi çevrilişlərdən sonra Fransa hərbi mövcudluğu “arzuolunmaz hala gəldikdə” onlar geri çəkiliblər. “Bu, alçaldıcı deyil, mövcud vəziyyətə məntiqi cavab idi. Biz münasibətlərimizi yenidən düşünməyi, keçmişin buxovlarından azad olmağı bacarmışıq və indi gələcəyə baxırıq”, – Makron əlavə edib. (Tass)