Mali, Niger və Burkina Faso regionda terrorçu qruplarla mübarizə aparmaq üçün birgə silahlı qüvvə yaratmaq niyyətindədir. Bunu Malinin Xarici İşlər Nazirliyinin rəhbəri Abdoulaye Diop Sahel Dövlətləri Alyansının (ASS) nümayəndələri ilə Rusiyanın xarici işlər naziri Sergey Lavrov arasında apardığı danışıqlardan sonra deyib.
“Üç ölkəmizdə terrorçu qruplara qarşı mübarizəmiz baxımından qənaətbəxş nəticələr əldə etmişik. Bu gün isə bizim əsas məqsədimiz terror təhlükəsi ilə mübarizə aparmaq üçün Sahel Konfederasiyasının birgə qüvvələrini yaratmaqdır”, – nazir qeyd edib. (Tass)