Almaniya kansleri Fridrix Merts ABŞ və İsrailin İranla bağlı hərəkətlərindən məyus olduğunu bildirib.
DPA xəbər agentliyinin məlumatına görə, Merz Berlində CDU/CSU fraksiyasının qapalı iclasının kənarında “Bəli, indi bundan məyus oldum” deyib. Almaniya kansleri qeyd edib ki, ABŞ və İsrailin əvvəlcə axtardığı kimi, bir neçə gün ərzində qərara gəlmək uğursuz olub. Merz vurğulayıb ki, “Buna görə də biz, Avropa tərəfi olaraq, həll yolu tapmaq üçün diplomatik səylər göstərmək istəyirik”.
“Biz hərəkətlərimizi Amerika tərəfi ilə sıx əlaqələndiririk, eyni zamanda bəyan edirik ki, bu münaqişənin həllinə necə nail olmaq barədə öz Avropa ideyalarımız var”, – deyə o bildirib.
Bundan əvvəl, Marsberqdə məktəblilərlə müzakirə zamanı Almaniya kansleri artıq İran ətrafındakı münaqişə barədə sərt danışmış , ABŞ-ı strategiya çatışmazlığında günahlandırmışdı.(Tass)