Almaniya kansleri Fridrix Merts İsrailin milli təhlükəsizlik naziri İtamar Ben-Qvirin Qəzzada hər gün 30-40 mülki şəxsin hədəfə alınaraq öldürülməsinə çağırışlarını pisləyib. Bu barədə Nazirlər Kabinetinin sözçüsü Sebastian Hille Berlində keçirilən brifinqdə bildirib.
“Kansler nazir Ben-Qvirin beynəlxalq hüququ pozan nifrət dolu çağırışlarını qətiyyətlə pisləyir. Onlar qəbuledilməzdir”, – deyə o bildirib. O, əlavə edib ki, yaxın günlərdə Aİ xarici işlər nazirləri radikal İsrail siyasətçilərinə qarşı tədbirləri müzakirə edəcəklər.
Hille həmçinin Qərb Sahilində yaşayış məntəqələrinin tikintisinin davam etdirilməsini tənqid etdi. “Onlar iki dövlətli həll yoluna mane olurlar”, – deyə o qeyd etdi. (Tass)