Moldova humanitar yardım olaraq Ukraynaya təxminən 680.000 avro dəyərində elektrik kabelləri, generatorlar və ərzaq təchizatı göndərəcək. Bu qərar hökumətin YouTube kanalında yayımlanan Nazirlər Kabinetinin iclasında qəbul edilib.
Qətnamə layihəsini təqdim edən Daxili İşlər Nazirliyinin dövlət katibi Aleksandr Bejan bildirib ki, “Yardım sosial və enerji böhranı kontekstində diplomatik kanallar vasitəsilə göndərilən rəsmi sorğulara cavab olaraq təmin edilir. Buraya dövlət ehtiyatından, eləcə də Daxili İşlər Nazirliyinin bölmələrindən və “Şimal Paylayıcı Elektrik Şəbəkələri” ASC-nin əmlakından kabellər, generatorlar, avadanlıqlar və sanitariya ləvazimatları daxildir”.
Fərmana əsasən, Ukraynaya elektrik şəbəkələrinin təmiri üçün avadanlıqlar, konservləşdirilmiş ət və dənli bitkilər, yanğınsöndürən maşınlar və tibbi ləvazimatlar da göndəriləcək. (Tass)