İsrail və ABŞ İranla bağlı eyni məqsədləri bölüşürlər və İsrail hərbi əməliyyatların yenidən başlaması da daxil olmaqla, istənilən ssenariyə hazırdır. Bunu İsrailin Baş naziri Binyamin Netanyahu bildirib.
Netanyahu Baş Nazir Ofisi tərəfindən yayımlanan videomüraciətdə bildirib ki, “Amerikalı dostlarımız bizi İranla əlaqələri barədə məlumatlandırırlar. Bizim və ABŞ-ın məqsədləri eynidir: biz zənginləşdirilmiş uranın İrandan çıxarılmasını, İranın uran zənginləşdirmə imkanlarından imtina etməsini və təbii ki, boğazların açılmasını istəyirik”.
“Bu hekayənin necə bitəcəyini və ya hətta necə inkişaf edəcəyini demək üçün hələ tezdir. Hərbi əməliyyatların mümkün yenidən başlamasını gözləyərək, istənilən ssenariyə hazırıq”, – deyə o əlavə edib.