İsrailin baş naziri Benyamin Netanyahu Qəzza şəhərinin ələ keçirilməsi planlarını təsdiqləmək üçün Qəzza zolağına gəlib və burada bütün girovların azad edilməsi ilə bağlı danışıqların bərpası üçün göstəriş verdiyini bildirib. Baş nazirin Fələstin anklavında qeydə aldığı videomüraciət onun ofisi tərəfindən yayılıb.
“Mən Qəzza zolağına İsrail ordusunun Qəzza şəhərini ələ keçirmək və [radikal hərəkat] HƏMAS-ı məğlub etmək planlarını təsdiqləmək üçün gəldim. Eyni zamanda, bütün girovların azad edilməsi və İsrail üçün məqbul şərtlərlə müharibənin dayandırılması üçün dərhal danışıqlara başlamaq barədə göstəriş verdim”, – Netanyahu bildirib.
“Biz (İsrail ) qərar qəbul etmə mərhələsindəyik”, – o əlavə edib. (Tass)